onsdag 14. januar 2009

New York, New York


Om nøyaktig ein halv time sett eg meg i bilen her heime i Myrkdalen, og eg er på veg mot The Big Apple!


Turen min vil ta bortimot 30 timar til saman, men no kan eg nesten ikkje venta lenger. Eg gler meg!


Eg gler meg til å køyre inn mot byen i frå flyplassen, for å sjå skyskraparane på vegen og å komme fram til NY Studenthousing der eg skal bu framover. Eg gler meg til å sjå rommet vårt, å sjå kven andre som skal bu der, sjå korleis fellesareala er og ikkje minst å få eit lite inntrykk av nærmiljøet. Eg gler meg til å vakne opp første morgonen og vite at endeleg er eg der, og at eg denne gong har god tid til å utforske byen på alle måtar eg kunne ønskje. Eg gler meg til å gå ut, sjå nabolaget i dagslys, første handletur på butikken og ete ekte NY bagel til frukost. Eg gler meg til å ta undergrunnen til Manhattan, til å komme opp derifrå og ut i ei verd full av sinnsjukt høge bygningar, gule taxiar og reklame overalt. Eg gler meg til å gå rundt å surre og oppdage byen saman med mitt reisefølgje og roomie, Camilla, utan eigentleg ha noko mål eller meining. Og ikkje minst så gler eg meg til å stikke innom den visstnok så fantastiske fotobutikken B & H og kjøpe fotokamera.


Eg gler meg til å sjå kva dei neste fem månedane vil bringe med seg! :)


Ingen kommentarer:

Legg inn en kommentar