Med utgangspunkt i Brooklyn!: Spring Break!!

Påskeferie her i USA er noko heilt anna enn paaskeferie i Norge. Faktisk har dei ikkje nokon ferie ei kallar paaske i det heile, men dei fleste studentar har ei veke fri fraa studia i mars eller april. Denne veka kallar dei spring break, og mange brukar den paa aa reise til varmare stroek - for eksempel Miami og Florida!

Sidan me no foerst studerar her saa tenkte me at det hadde vore moro aa sjaa litt naerare paa denne tradisjonen - er det som paa film? I tillegg skal eg innroemme at det frista stort med litt sol og varme!

Så søndag 5. april retta eg, Camilla og venninna hennar, Katarina, nasa mot Miami. Og ein skulle verkeleg ikkje tru me hadde vore på reisefot før nokon av oss, for i mangel på printer hadde me skrive ned referansenummer og flytider på ein lapp og tenkte ikkje meir på det. Ikkje før me var halvvegs til flyplassen. Då spør sjåføren kva flyselskap me skal reise med. Flyselskap??! Det var anten American Airlines eller U.S Airways denne vegen og det andre heim att. Hmmm... Etter litt lett panikk i bilen, latter og gjetting vart me sett av på AA terminalen, og ringte heim til Ioana som logga seg på nett og sjekka for oss. Det var nok U.S. Airways me skulle med ja...

Heldigvis hadde me god tid, og vår terminal berre nokre minutt bortanfor med toget. Me kom oss lett gjennom innsjekking og sikkerheitskontroll, og vel ombord på første fly sovna alle tre momentant. Vel framme på flyplassen i Charlotte, North Carolina, ser me at det neste flyet vårt er utsatt med halvannan time. Det ville seie at me hadde 4,5 timar å slå i hjel... Ein luftetur utanfor vart til fleire timar i solsteiken, sugne på sol og varme som me var. Klokka nærma seg seks, den opprinnelege flytida, utan at det streifa oss ein tanke - me rekna med at når eit fly var utsatt så var det utsatt. Til alt hell gjekk Katarina inn for å kjøpe vatn litt over klokka fem, og klarar å snappe opp ein beskjed over høgtalaren som seier at flyet til Miami likevel går som planlagt - FLAKS!!! Hehe... Turen vidare gjekk som smurt, og me køyrte inn på South Beach før klokka ni :)

Søndagskvelden vart roleg, med supergod pizza på ein benk langs stranda og litt småsnakking med folk på hostellet. Me budde på JazzHostel, eit kvartal frå Ocean Drive og fem minutt å gå frå stranda. Kan definitivt anbefale det på det sterkaste!! Det var fullt av backpackarar, studentar på spring break, folk som nettopp hadde flytta til byen ++ Kvar morgon fekk me servert ein enkel frukost i lobbyen, og på kveldane var det vorspiel før dei arrangerte turar til uteplassar o.l. for dei som ønskte det. Ein perfekt plass for nye bekjentskapar!

Resten av veka var slækk og innhaldsrik på same tid - me kosa oss stort med:

- strandliv

- god mat

- sjå på fine bilar langs Ocean Drive

- bli kjent med spennande folk

- halde pytonslange. Dvs. eg nøya meg med å være fotograf og stryke den på hovudet...

- drikke øl på hostellet

- shoppe

- bli solbrente!

- ete is

- gå rundt og sjå på dei fargerike art deco bygningane

- prøve ut cocktailene på Wet Willies